சங்ககார மீண்டும் சதம் : மூன்றாவது டெஸ்ட்டில் இலங்கை வலுவான நிலையில்

இலங்கை பாகிஸ்தான் அணிகளுக்கு இடையில் இடம்பெற்று வரும் மூன்றாவதும்

இறுதியுமான டெஸ்ட் போட்டியில், முதல் இன்னிங்ஸில் துடுப்பெடுத்தாடிய இலங்கை அணி சகல விக்கெட்டுக்களையும் இழந்து 413 ஓட்டங்களை எடுத்தது.

இலங்கை அணி சார்பில் குமார் சங்ககார 144 ஓட்டங்களையும், டில்ஷான் 92 ஓட்டங்களையும் எடுத்தனர்.  பந்துவீச்சில் சயீட் அஜ்மல் 4 விக்கெட்டுக்களையும் உமர் குல் 3 விக்கெட்டுக்களையும் வீழ்த்தினர்.

பதிலுக்கு தனது முதல் இன்னிங்ஸை ஆரம்பித்துள்ள பாகிஸ்தான் அணி, இரண்டாம் நாள் ஆட்ட நேர முடிவின் போது 35 ஓட்டங்களுக்கு 2 விக்கெட்டுக்களை இழந்திருந்தது.

ஏற்கனவே 1-0 என பாகிஸ்தான் இத்தொடரின் முன்னிலையில் வகிப்பதால், இப்போட்டியில் இலங்கை அணி வெற்றி பெற்றால் மாத்திரமே தொடரை சமநிலைப்படுத்த முடியும் என்பது குறிப்பிடத்தக்கது.